las ultimas semanas en quito, mindo y montanita

Montanita Travel Blog

 › entry 7 of 16 › view all entries
view to the beach from my balcony

hallo mini liebe, endlich schaff ichs mal wider zum schribe...i e letschte wuche bini eifach noemm dezuecho. immer voll im "stress". meh als pics ufelade hani nid gschafft. Wink
aber am beschte vo vore, am weekend nach Banos bini mit dr silvie in usgang. mier sind de zerscht is "Zocalo" e bar im Mariscal. Hend de usegfunde dass doet immer am Di-Do&Sa e liveband spilt. Man, di jungs sind wuerlklich guet, spilet salsa und anderi suedamerikanischi tanzbari musig. Uf all faell bini de mit em Danee (em saenger) chli is gpraech cho. Er het mier verzelt dass er im 05i i dr schwiiz amene hochzit vomene kolleg het choenne uftraette, und na de no chli umegreist isch...er hets sogar bis i kanton uri gschafft...hahaha, er het de willhelm tell und d urner flagge kennt, ha fascht noemm choenne, so en zuefall.

dr gspraechsstoff isch uf all faell gsicheret gsi.
er het mier denn au no verzellt dass er en CD am mache isch und au tanzunterricht gid (da er vo dr ecuadorianische suedkueste chund isch er eh en passionierte taenzer), und das alles naeb em musigstudium...
naja, da ich i dr schuel ja de afigs chli salsa glernt ha, hani de natuerlich grad mal muesse teste wie guet das afigs mit emene profi klapet. natuerlich hani mi de wie de groescht afaenger agstellt, aber isch trotzdem no cool gsi! Spaeter simmer de all zaeme (silvie, ich und d band) is mayo68, DEM salsaclub in quito...para practicar mas... isch uh luschtig gsi, und im mayo hets eh immer il gueti taenzer.
Anyway, d wuche druf isch na mega unerfreulich gsi, voll dr stres. Am mittwoch (31.1.) gani id schuel und de wird mier als erschts mal mitteilt dasi d fam muessi wechsle, will d schuel in striit cho isch mit dr familie.
..het ja mal wider was mit geld muesse ds tue ha! typisch! bin mega truurig gsi, will bi dr olgita hets mier wuerklich super gfalle!naja, bin de zumene aeltere paerli bracht worde, isch vo afang ah nid so dr het gsi...sie hend nie gross mit mier gredet. bin de uf all faell gar nie gross im huus gsi. nach dr schuel is mariscal und am abig in usgang, is zocalo dr band go zuelose.
d silvie und ich hend de zimlich vil kollege kenneglernt. bsunders d erica und dr marco hani is herz gschlosse, so liebi luet, und alles natuerlich au super taenzer.
bsunders de marco, er het mier im zocalo de grad gratisunterricht geh, voll peinlich vor all dene luet, aber isch au luschtig gsi. han mich de entschide dasi eiduetig no meh salsa wetti lerne und ha mit em danee fuer die folgendi wuche termin abgmacht.

ah, am fritig hemmer i de schuel no en spezielli aktion gha, hend e typischi mahlziit vo de "Getchuas" (indigenas vo ecuador) kochet, nennt sich "Llapingachos". Isch mega speziell aber fein. Bestaht us Haerdoepfel, chochbanane, salat, tomate, avocado, vil zwibele und enere komische wurscht.
Am weekend (Sa) bini mit paar chicas uf otavalo. es isch ds letscht weekend fuer d nela (CH) gsi, und mier hend denkt, mier machet no was zum abschied. usser de silvie, nella & mier sind no 2 chicas us daenemark mitcho, wo de ab em maentig au bi ues id schuel sind. isch no schoen gsi, sind nid nur de markt go aluege sondern au no e wasserfall, "Cascada de Peguche".
Am abig simmer fuer an abschiedsdrink is Zocalo. Leider isch es beidene chicas nid sehr guet gange, beid Mageproblem in Otavalo scho es biz.
sunset from my balcony
Sie sind de beid scho gli mal gange, aber ich has mier nid la naeh dr band no chli zue ds lose. bin de au nid elei ghocket, dr Marco und d Erica sind de no cho. Nadem d band fertig gspilt het, simmer all zaeme ane charity-Party fuer en kolleg wo unfall gmacht het. Es isch eifach genial gsi doet. Und all hend chli gaeld spaendet. Und die wo e band hend oder professionell tanzet hend de no e uftritt gha. voll cool gsi saeg ich uech! man o man, da hets grad chli salsataenzer(inne) gha, nicht schlecht!! ich has eifach au mega gfunde was die alles uf d bei gstellt hend um chli geld ds sammle!
D party isch de bis i die fruehe morgestunde gange und am sunntig hani kei schritt meh gmacht. ha mich mental uf mini erscht salsastund muesse vorbereite Wink
die isch de am maentig au scho cho.
i tried to make a picture from the moon
.uiuiui...bis zum momaent wo d stund agfange het hani no gmeint ich choennt mit de grundschritt woni scho weiss chli bloeffe...pfff..denkste! han de grad mal muesse usefinde dasi mich fuessufwaerts bis ez foellig falsch bewegt ha. Scheisse ich bi mier e halbstund wie de groescht idiot vorcho, ha mini koerperbewegig doch nid eifach uf chnopfdruck choenne aendere! dr Danee isch fascht verzwiflet und da d stund i dr Wohnig vo ihm dihei gsi isch het natuerlich au no de marco si mitbewohner zuegluegt, und glachet!...voll peinlich! aber schlussaendlich hanis de doch no gschafft und ha de no anders choenne lerne, all die verschidnige dreihige wos gid...puuuhhh...confusion! han i dere wuche schlussendlich 3h untericht gha, und einiges glernt, und natuerlich bini de au immer wider is Zocalo und Mayo go praktiziere.
street in Montañita
Que semana loca!!! und das no nid mal nur wege dem, woni am mentig nach em salsa hei cho bi, hani gmeint mich trifft dr schlag! da isch doch tatsaechli dr herr hostvatter i mim zueg am wuele...que feo!! han de no am abig alles packt und am naechschte tag hani i dr schuel maeldig erstattet. si hend mich de am dsischtig no ueber mittag i mini 3. family bracht. bi zur gliche frau cho wo au d silvie und d chicas danesas wohned..hend de e richtigi fraue-WG gstartet, voll cool! und au d Loerna, di neu hostmam isch voll en liebi und voll cool und ufgschlosse.

ds folgende weekend isch de scho mis letschte in quito gsi...que triste! ich ha de entschide dasi gern no mal en 2taegige usflug wuerdi mache, und d silvie het de gmeint sie chaemi au. mier sind de uf Mindo, das isch ca. 3h busfahrt in richtung weschte vo quito entfernt.
my Hostal
i dere gegend hets no mal so was wie en urwald, nebelwald nemnnt sich das. isch meeega schoen gsi. und ues isch natuerlich wider mal nued ds tuer gsi und hend ues innere "luxuslodge" igmietet fuer Sa/So. aber das het sich aecht glohnt! hend imene baumhus gwohnt, d alag het meehreri pools und 2 jacuzis gha, und au d usflueg i dr umgebig hend direkt im hotel choenne buechet werde. Perfekt fuer es richtig fuuls weekend! Wink
Am samschtig nami simmer de grad no ds "Tubing" go mache. isch wie RiverRafting eifach billiger... Smile da werdet 7 laschtwagepneus zaemebunde, me hockt druf und ab di post! ds einzig wo es fid sind helm, schwimmweschte und schnuer zum sich a de pneus feschtdshebe.
beach from olon
nix da mit neoprenazug und anderem luxus...hahaha..uf all faell simmer de uf dem iiiiiischale fluss glandet, scheisse isch das chalt gsi, isch glaub so zimlich mid chaeltischte erlaebnis i mim lebe!...aber het trotzdem no spass gmacht. Nachdem simmer de no di huseignig schmaetterlingsfarm go aluege, aber sich chli entueschend gsi, het voll nid vil viecher ume gha. daefuer hend i dr hotelalag so zuckerwasser zueg parat gmacht, a dene d kolipris sind cho schnuppere und trinke. joeoeoeoe....di sind sooooo herzig saeg ich uech, ha gar noemm choenne ufhoere mit zueluege....
am abig simmer au grad im hotel blube, sind ds fuul gsi is dorf ds laufe, wer au eh nued los gsi. mindo bestaht naemlich nur us einere strass und e paarne abglaegne hotel wie uesem. naja, nach em znacht hemer ues en cubalibre genehmigt, scheisse, er hets grad chli in sich gha.
church in Olon
am 9i simmer zrug is baumhuus und mier hend nued anders meh choenne mache als schlafe, unglaublich!
12h spaeter, am sunntig, simmer nach em zmorge de no fuer ei stund uf ds ross. isch no schoen gsi zum d umgaebig chli gnauer ds kennelerne, aber mis ross isch so fuul und lahm gsi, ich has staendig muesse atribe damit di andere mich nid abhaenket...hihi...uiuiui uf em heiweg und am maentig haett mier de arsch ja de au nur es bizli weh ta... Autsch!

D wuche druf hani au wider 3h salsaunterricht gha, und inzwuesche klappet au di meischte dreihige. (fuer mich sind die scho meega schwirig aber de danee het gmeint das siged basics fuer wenn me ds schwirige zueg wetti mache...haeeee??? no schwiriger???) naja anyway, d erica het im zocalo mal gmeint:"tu aprendiste super rapido...para una gringa!" (du hesch megaschnell glernt, fuer en gringo).
beach from Montañita
...hmmmm..weiss bis huet nid oeb ich das wuerklich als kompliment cha uffasse. Wink
Ui, am mittwoch isch ja au no valentinstag gsi....tag der liebe und der freundschaft! ich hoffe ier hend alli schoen brav gfieret! ich bin a dem abig mit dr tara und paar anderne englenderinne is bungalow6 ad ladiesnight, ganz nach em motto "maenner hend mier nid noetig" Wink isch no luschtig gsi und spaeter ane simmer de au no is Mayo go salsa tanze.
Tja, und de isch scho donschtig gsi, mi ultima noche en quito con todos mis amigos de aqui! que triste!!! D Lorena mini hostmam het vorgschlage mexikanisch go esse, iri schwoeschter het es megaschoens restaurant.
crazy ecuatorians!
gesagt, getan. D lorena isch cho, d silvie und d chicas danesas. han au mini 3 amigos de ecuador iglade, de danee, de marco und d erica, aber es het de nur de danee choenne cho, under de bedingig dass mier am 1i im Zocalo waerdet si, will er ja muess schaffe. No problema!
ds esse isch mega fein gsi und uf di 1ni simmer all zeme is Zocalo go wiiterfiire, sogar d lorena isch cho, si het woelle luege wie ich afigs cha tanze. d chicas sind all beidruckt gsi vo dr musig vo dr band (si hend mier ja nid woelle glaube dass si wuerklich guet sind). und daenach hani de mit em danee muesse vorfuere was r mier afigs bibracht het...hahaha...buehne frei fuer saskia & danee...het echt spass gmacht bim tanze no mal alles ds gaeh, ha natuerlich kei faehler woelle mache. smile... d chicas sind wider mal begeischteret gsi, und hend bim danee grad e gruppestund fuer di folgendi wuche buechet.
smile...
...hihihi.
Tja und de hets scho gheissae byebye...que triste! aber es hett muesse si, schliesslich hani am fritig nach dr schuel uf e bus in richtig montanita muesse. vamos a la playa!! han ja doet ez au ei wuche spanischunterricht, und carneval isch ueber ds weekend ja au no gsi.
naja, aber hie isch es so loco. ich weiss au nid, passt mier nid wuerklich. es het ueber d fasnachtstaeg sooooo vil luet gha, het mier nid woelle gfalle. huet reised zum glueck di meischte wider ab, und ich hoffe dass es ez chli besser wird. huet hani au no mini erschte spanischstunde hie gha. mini lehrerin isch voll easy drauf. hend de ganz morge nur gredet, null grammatik. guet ha ire au gseit dass ich schwerpunkt uf ds rede legge. isch uf all faell easy gsi. si chund ez die wuche jede morge mit em bus uf montanita und am mittag wider zrug uf puerto lopez.
cute doggy
am fritig gani de nach der schuel mit ire zaeme uf puerto lopez, will ich di folgendi wuche ja doet schuel ha.

naja, und wohi ich danach gah weiss ich no nid. han ja woelle schaffe. aber mis bevorzugte projekt gids leider noemm, waer ja au a dr kueste gsi. mini schuel het e wuche vor minere abreis ufgaeh di luet probiere ds kontaktiere und mier am fritig no 2 aehnlichi projekt id hand drueckt. ds eintae gfallt mier nid will es eifach nach geldmachrii usgseht und bim andere chani nid in kontakt traette. scheisse! naja, in quito arbeite waer eifach, aber ich mag ehrlichgseit di stadt nid 4 wuche laenger aluege...isch eifach ds vil und ds gross und sowiso, haet denn zwar chli ziit zum mit mine amigos doet ds verbringe, aber das reicht mier nid. naja, wenn mier nid grad no was supertols zum arbeite finde wirdo wohl eifach uf quito zrug nach puerto lopez und vo doet us wiiteri reisli in ecuador mache.
surfers paradise
gaebti ja no vil zum aluege, de ganzi suede vo ecuador hani no gar nid gseh.

also muess ez hoere, wott no an beach huet nami Wink yeeeahhhhh! de beach isch so geil hie!
hebet sorg und maeldet uech mal wider, ghoere immer gaern was i dr schwiiz grad so lauft!

liebs gruessli & besito
saskia

p.s.: fascht vergesse: pics wie immer uf www.piktschers.ch! uf die vo montanita muender de aber no chli warte, ds internet cafi hie isch so was vo schrottig! unglaublich, zrug id steiziit...hihihi

Join TravBuddy to leave comments, meet new friends and share travel tips!
view to the beach from my balcony
view to the beach from my balcony
sunset from my balcony
sunset from my balcony
i tried to make a picture from the…
i tried to make a picture from th…
street in Montañita
street in Montañita
my Hostal
my Hostal
beach from olon
beach from olon
church in Olon
church in Olon
beach from Montañita
beach from Montañita
crazy ecuatorians!
crazy ecuatorians!
smile...
smile...
cute doggy
cute doggy
surfers paradise
surfers paradise
surfing at sunset
surfing at sunset
sunset
sunset
sunset
sunset
Montanita
photo by: orcio81