Weiter an der Kueste: Puerto Lopez

Hola mis amigos,

huet isch scho wieder mi letscht tag in puerto lopez, ueber nacht wirdi mit em bus uf quito fahre. nach einige taeg doert will ich aber no mal ad kueste, jedoch chli noerdlicher. na no mal par taeg sierra bevori mit minere mom uf cuenca gah zum de suedlicher teil vo ecuador aluege.
so vil zu mine naechschte 4 wuche. jetz aber meh ueber di letscht wuche in puerto lopez.
ds stedtli isch wuerklich voll ds kaff und fuer ecuador au voll sicher, cha hie i dr nacht sogar elei umespaziere (neui erfahrig fuer mich hie...smile). under de wuche isch es recht usgstorbe, het fascht kei luet (also ds pure gegeteil vo montanita), und au am weekend hets normalerwiis nid sooo vil touris. ich bin hie echt di meisch ziit nur am penne gsi...und au bock uf schuel hani noemm gross gha, han mit mim lehrer praktisch jede tag cuarenta (es chartespie) gspilt oder hend es usfluegli gmacht.

letscht samschtig bini z.b. uf dr "isla de la plata" gsi, isch so chli ds galapagos fuer di arme...und es het scho was. voegel gseht me doet di gliche (blaufusstoelpel, maskentoelpel etc...) d insle gseht au meh oder weniger glich us, d hitz isch au di glich und im summer isch es mengisch au moeglich seeloewe oder sogar wal ds gseh...haett ich natuerlich au mega gern, aber ebe, es isch hal winter. defuer simmer uf em rueckweg vomene schwarm delfin ueberrascht worde, woooow, isch eifach super gsi. die hend meganoech bim boot jenschti akrobatik vorgfuehrt, voll geil!!
ah ja, vorgeschtern isch es mier de mal ds bloed gsi immr nur nued mache und ha surfunterricht gnoh...zahlt hani fur 2h, sind de aber 3 gsi (hahaha...han mal wieder en fan gha). also choenne hanis nid wuerklich, sobald ich gstande bi - was selte de fall gsi isch - hets mich wider drabgschmissen. naja, und wie ich nah usgseh ha, knue: dunkelrot, huefthnoche: dunkelrot (da hani es bewisfoti, chund de no uf di ander website), und au mini 3 underschte rippipaar sind rot und sogar liecht ufgschuerft gsi vom staendige aneligge und schnelle ufstah uf en brett...chund defo wenn me kei fleisch uf de chnoeche het...und geschtern, uiuiui...zwuescheziitlich hani mi nid gross choenne bewege...*autsch* aber gsamthaft hets fun gmacht, aber meh bruchi glaub noemm...hahaha.

was hani suscht no gmacht..hmmm...ich glaub das waers scho wider. bin froh dasi hie chli ha choenne usruehe, ds quito isch es daenk wider noemm moeglich. aber bin au froh wider i chli action ine ds cho. au d huut wirs freue wider i schatte ds cho...chume mier im moment vor wie em schlange bim huete, debi bini no nid mal rot gsi...

sodeli muess scho wider, mues no go packe und go gschenkli poschte. d olgita (ich gane wider zu ihre go wohne) het morn ebe au no geburi...mal luege ob ich hie was passends finde...

besitos
saskia

p.s.. pics ab next week im internet!