Quiiiiiiiiito! Meine 2. Heimat...mehr oder weniger

Hola mini liebe,

quito hat mich wieder, wie schoen und laermig!
bi am samschtig morge acho und ha sit dem duregfiiret...hihihi...( bi scho fascht fro wenn ich wider weg chume, de chani wider chli usruhe). momentan isch au no de schwager vom marco us duetschland uf bsuech, oeper meh zum fiire, aber tanze wot er bis ez nid (typisch europaeer!)

an dsischtig hemmer grossi verabschidig vo dr tara gha, die isch am mittwoch morge uf venezuela glfoge...heul...tara! i miss you allready! mier sind zerscht im zocalo und nah no im mayo gsi go tanze! yeah!

geschtern hani no chli es dumms erlaebnis gha. bin nach em zocalo mit 2 kollege (freddy & segundo) is mayo go tanze. irgendeinisch hemmer de hunger gha und sind mit no paar anderne go burger aesse.

mier sind da so froehlich uf dr strass am pauderle, da chund so en fucking idiot go umenerve, het irgendwas vo marihuana gha. am segundo hets denn irgendwenn mal usghenkt und d schlaegeri het agfahnge (ich ha mich den mal langsam us dr schusslinie zrugzoge), uf all faell het dr segundo am andere waerend em seckle is bei gingget und der hats volle pulle mit em hinderchopf uf d strass und isch natuerlich bewusstlos. scheisse, ich bi denn grad mal einisch zaemezuckt. autsch! was wuerd ez i dr schwiiz passiere: es chaemt en chrankewage wo de bewusstlosi schnellschtmoeglich is spital bringt und no es poliziiauto wo di ganz aglegeheit klaehrt...nicht so in ecuador: ca. 20sekunde spaeter isch di ganz chruezig mit 5 chaerre vo dr polizie gfuellt gsi und hend mit mine kollege afah dsiskutiere (ha mich witerhin zrugghalte, ha nued mit dem woelle ds tue ha, wott hie aecht kei aerger mit de bulle). uf all faell isch denn dr segundo abgfuert worde und di meischte poliziiauto sind au wider weg. ca. 20minute spaeter chund de mal en chrankewage, und ez afigs wird mal einisch gluegt was ueberhaupt mit dem typ los isch wo am bode liid...bis denn isch der ueberhaupt nid beachtet worde... shit, ha gmeint isch gsaech nid raecht! das isch soe typisch suedamerikanisch. wott hie aecht nie in en unfall cho!
aber isch ez au egal, min kolleg isch am morge wider us em knascht cho, zum glueck.

huet und morn machi de no mal chli fiesta und Sa/So gani mit verwandte vo dr olgita und 2 englische chicas (am sunntig isch d volunteernachfolgerin fuer d tara acho) uf "zimbahua". das isch en chline ort im suede vo quito und doet hets es guets spital, vo uf charity arbeit ufbaut. dr brueder vo dr olgita (mit dem mier goend) het ebe ghulfe das spital ufdsbaue und er wohnt au doet mit sinere frau. muess echt interessant si. drum hani mi entschide dasi bis am sunntig da blibe und de erscht am maentig wider ad kueste gane (manta, bahia de caraquez und canoa). an samschtig druf chume wider zrug. muess ebe am sunntig deheime sii will ich muess fernseh luege.
dr danee cha ebe binere nationale fernsehshow mitmache (nennt sich dancing with stars). uf all faell startet das am sunntig inerere wuche, haha, das isch eifach zuuuu geil! ich muess das unbedingt gseh!

que mas...isch glaubs wider mal alles...smile...ach ja, d pics sind ez all online, sogar e paar woni wider hie ds quito gmacht han.

besitos a todos!
saskia