Hola a todos!
ez hanis endlich gschafft, ich bi acho und ha sogar scho 2 astrengendi schueltaeg hinder mich bracht 
dr flug het agnaems und weniger agnaems gha, dr servis (wele servis) isch zum chotze gsi und mi platznachber (en ecuadorianer) het ds gfuehl gha er muess zu sinere latinomusig singe (und de no wie schoen)...arghhhh...ich ha doch nur woelle schlafe! aber ich hane sogar no ghoert wenn ich min iPod uf volle pulle ischtellt ha..
naja egal, irgendwenn het sich de mal usegschtellt dass es i dem flueger vor schwiizer nur so wimmlet (wie choennts au anderscht si), und de hani mich ds unterhalte gwuesst.
de endlich todmued (und warschindlich liecht agheiteret) in quito acho, wird ich vo dr hostmother (Olgita), irer schwoester (Suzi) und enere englenderin (Tara) wo au bi ire wohnt abgholt. ich bi i dem moment de grad chli froh gsi nid scho nur di ganz ziit spanisch muesse ds rede!
Ich han de erfahre dass d chind vo dr Olgita im moment gar nid ume sind und dass d Tara wo au bi ues wohnt, a irer volunteerarbeit isch.
geschtern bni de ds erscht mal id schuel, und siehe da, di einzige 3 schueeler sind schwiizer...hahaha..unglaublich, aber nechscht wuche soetts 5 neui schueler geh, schwizer, duetschi und suscht no chli was. naja...so vil zum thema 5% schwizerateil a dere schuel.
ansonsten isch d schuel super, sehr chli und persoenlich. aber dr unterricht macht mich grad chli kaputt, 4h am morge und de no 2 am nami, geschtern bini am halbi 4i deheime gsi und ich ha nur no woelle schlafe....han de aber doch no "finding nemo" uf spanisch inezoge
naja, mal luege wie es wiiter gaht, weiss au no ueberhaupt nid wasi am weekend soell mache...am liebschte wuerdi eifach deheime blibe und dureschlafe
so mini liebe, das wers ez mal fuers erschte. hoffe ich ghoere au mal chli was vo euch, damit ich erfahre was so lauft uf dr andere siite vom teich.
liebi gruess
saskia
