Christchurch, Akaroa, Lake Tekapo, Wanaka

Wanaka Travel Blog

 › entry 1 of 8 › view all entries
Christchurch

Ok, I'm sorry for all the English speaking people who read this but this time I'm gonna write in Swiss German!!

Am 15. Novaember han ich Australia verlah ond ben met em Flugi uf Neuseeland. Wommer so druebergfloge send han ich also scho betz en Schock gha. Uf de Berge heds doch tatsaechlich no Schnee!!! Horror!!

In Christchurch han ich mich denn uf d Suechi nach mim Backpacker gmacht ond ben doch prompt zerscht i die falsch Rechtig gloffe....ond das meteme 17KG schwere Rucksack am Rugge ond me ca. 5KG Rucksack vore!! Naja, ich han denn ganz eifach d Richtig gwaechslet ond ben denn nach oeppe 20 min au a mim Backpacker acho. Denn han ich wele go oeppis Znacht poschte ond han de Supermarket nachere Stond sueche immernonig gfunde. Die Asiate, wo ich gfragt han, hend irgendwie ned so s Erklaertalaent gha.

Christchurch
Wie au immer, ich hans denn ufgeh ond ben ine chline lade oeppis go chaufe.

Am naechschte Tag han ich denn muesse mini wiiteri Reise go plane ond bueche. Im Infocenter han ich denn en Buspass foer die naechschte 3 Moenet kauft ond min Bus nach Akaroa buechet. Velles meh han ich eigentlich ned gmacht, well ich die Stadt sowieso ned grad sehr speziell gfunde han. Sie esch schoen aber eifach nuet bsondrigs.

Am Friitig esch mini Reise wiiter nach Akaroa gange. S Waetter esch ned wuerkli de Hammer gsi ond wommer acho send, heds no afa schiffe. Ich ben denn aber trotzdem uf sone Harbour Cruise, wommer hed choene Delfine gseh. Ich ben aber voll enttuescht zroggcho. Super 50 Stutz foer sone Sch.... Wo ich denn zrogg is Hostel ben, han ich voll die Kriise becho.

Akaroa
Ich han mich sehr eleige gfuehlt ond waer am liebschte hei!! Stelled euch das vor...gehts gar ned....

Ich han mich denn aber am naechschte Tag zemlech guet erholt ond ben froh gsi, dass ich mini Plaen gaenderet han ond scho am Samschtig (statt am Sunntig) zrogg uf Christchurch ben.

Am Sunntig ben ich denn uf Lake Tekapo gfahre. D Landschaft det hii esch sehr schoen gsi. Wo ich denn aber de Lake Tekapo gseh han, ben ich voellig vo de Rolle gsi! Das esch ja de absoluti Hammer!!! Aendlich wie en See in Kanada aber eifach no tuusigmal schoener!!! S Backpackers esch nodezue au voll genial gsi ond ich han super cooli Luet atroffe. Am Nammitag ben ich denn ufne Berg ufegloffe ond ben metere ober mega geniale Uusicht ueber de ganzi See belohnt worde! Unbeschrieblich!!!

Hoet ben ich uf Wanaka gfahre. Wanaka esch zemlech cool, hed en See ond natuerlich Berge im Hintergrund, wo zom Teil no met Schnee bedeckt send. Es erinneret mich raecht a Zug oder Luzern. Ich ben denn no am See entlang bes zom Waterfall Creek gloffe ond han weder mega Faelder voll wilde wunderschoene Blueme gseh.!

Morn gahts denn in Mount Aspiring Nationalpark, wo ich denn wahrschindlich oeppe en 5 stuendigi Wanderig mache....

viviane_broceliande says:
To bad its in Swiss German :) But I love your pics, hope I end up there as well.
-Vi
Posted on: Jan 22, 2007
Join TravBuddy to leave comments, meet new friends and share travel tips!
Christchurch
Christchurch
Christchurch
Christchurch
Akaroa
Akaroa
Lighthouse Akaroa
Lighthouse Akaroa
Ufem Waeg nach Lake Tekapo
Ufem Waeg nach Lake Tekapo
Shepards Church in Lake Tekapo
Shepards Church in Lake Tekapo
Lake Tekapo
Lake Tekapo
Lake Tekapo mit wilde Blueme
Lake Tekapo mit wilde Blueme
Wildi Blueme (kei Ahnig, wie die h…
Wildi Blueme (kei Ahnig, wie die …
Lake Tekapo vom Mount John
Lake Tekapo vom Mount John
Gschafft...nach 3/4 Stond bereits …
Gschafft...nach 3/4 Stond bereits…
Lake Wanaka
Lake Wanaka
Wanaka
photo by: Koralifix